林泳淘做齋界KOL

身為宅男女神的林泳淘，轉型做KOL。

宅男女神林泳淘（Wingto）憑資訊節目《東張西望》及旅遊節目《3日2夜》成功入屋，但去年9月突然被無綫炒魷，不少Fans都擔心其出路。不過，在網上深受歡迎的她被選為最火熱KOL第一名，不愁前程！除火速獲邀拍攝ViuTV劇集《打天下》，同時亦有大量KOL工作。

打書釘學演技

日前Wingto在尖沙咀被捕獲，身穿連身花裙、戴眼鏡的她，貫徹文青女神形象，見她先到書店打書釘，在有關飲食及烹飪的書櫃駐足良久，拿着素菜食譜左揭右揭細心研究，之後再翻閱有關電影及心理學的書籍，似乎有更多機會做演員，睇相關書籍增進演技，最後她買了一本食譜離開。其後Wingto到附近超級市場掃貨，主力睇蔬果，見她拿起各式瓜菜格價，之後到廚具專櫃選購平底鑊，但未有收穫。

林泳淘逛超市揀食材，主力揀蔬果。

林泳淘拎起素食書本細心研究。

將演舞台劇

之前Wingto接受訪問，表示離開無綫後要更着力計劃未來工作，其個性隨遇而安，幸獲不少客戶及朋友眷顧，她透露將參演舞台劇以及拍攝有關素食的節目，因此要做資料搜集：「我本身食素，好開心有機會做有關齋菜嘅節目，會去台灣拍，我主要係負責食，但未知會唔會煮埋，我都想做埋YouTuber，教埋整齋菜都唔出奇。」