林夏薇樹大招風護住老公

林夏薇同金融才俊莫贊生結婚4年，家住山頂豪宅兼夫妻和睦，真係羨煞旁人。不過近年薇薇老公疑捲入金錢糾紛，耐不耐就畀人貼街招，即使薇薇先後澄清，又有埋律師聲明，但事件都斷唔到尾，煩到爆。開緊劇嘅薇薇，當有丁點時間就要同律師開會，連休息都唔得閒，令原本已經偏瘦嘅佢，更加散發仙氣，不過就係瘦骨仙個仙。