莊思敏升Cup十年愈嚟愈掂

藝人莊思敏之前喺無綫攞咗十年長期服務金牌，真係嚇一跳，完全唔覺佢同無綫有咁密切嘅關係！諗諗吓先醒起，佢做咗《姊妹淘》六、七年主持，再做落去，個節目隨時要改名做《大媽淘》。出年就四張嘅莊思敏，其實唔單止佢本人攞十年服務獎，33C「胸器」今年都會攞埋。何解？十年前，佢為身材增值，由平板A Cup升呢去C Cup，話咁快「豐乳飄搖」咗十年，有段時間莊小姐成日見報同吸Like，信心返晒嚟！有富爸爸、有C Cup，又有生意，近排仲有埋個男朋友，漸入佳境，希望到攞另一個十年金牌時，可以有埋老公同仔女啦！