買米探老友記敖嘉年勁感觸

藝人敖嘉年、Kawaii及黃文慧等昨日出席長者慈善盆菜宴，剛從另一義工活動趕到現場的敖嘉年表示，有空閒便會做義工︰「特別關心獨居長者，去年做過好多次探訪，試過買包米去探，下次去到仲見到，因為佢哋話唔捨得食！聽到都有啲心酸，好想喊，佢哋真係好珍惜，如果帶埋小朋友去佢哋仲開心！」講到跟「老友記」相處，他說：「傾偈嗰陣佢哋講咩就答咩，應咗先，佢哋好似細路仔咁。」而Kawaii認為要搵共同話題，例如一齊研究歷史。