拍拖大把嘢學 許廷鏗慶幸冇搞出人命

許廷鏗昨日出席《置富Malls．KUROMI玩轉新春樂庭園》，並首度獻唱新歌《將心比己》，MV邀得台灣金鐘獎級女演員謝瓊煖演出：「佢飾演我未婚妻嘅媽咪，要打我一巴，個MV講我對未婚妻不忠，間接令佢出意外。」問到現實中曾否對女友不忠，他坦言：「冇搞出人命，人係有改進空間，每個人愛情路上都要學習，希望新一年有桃花。（即係有不忠？）唔係不忠，總之將心比己，你點對人，自己要受番，所以我依家咁孤獨！」談及哥哥許永鏗將迎娶模特兒A.Lin（裴殷），他笑說：「希望佢（哥哥）生生性性，我識咗A.Lin一段時間，佢好好，會煮埋嘢畀我食！」