張振朗飛躍進步 公開感謝最愛

「飛躍進步男女藝員」分別由張振朗及張曦雯贏得！振朗得知得獎即眼濕濕，接近失聲的他激動致詞，直言「好鍾意演戲」，又特別多謝家人：「仲有我最愛嘅女人，我阿媽！相信佢喺屋企笑緊我又喊喇！最後希望大家唔好再話我係翻版邊個，我係張振朗！」他自嘲花名「地獄黑仔王」是「開心事」，因演員要更多經歷，在後台笑言終於「破地獄」。
張振朗喊住領獎，感謝母親背後支持。
張振朗喊住領獎，感謝母親背後支持。

至於張曦雯（Kelly）上台時開心到口震震，表示很高興在無綫找到熱愛的工作，並感謝一眾高層信任。她在後台表示會致電父母及外籍男友報喜：「男友聽唔明講乜，但知我攞獎有傳短訊恭喜我！（下個目標視后？）梗係！打咗支強心針！」

張曦雯飛躍進步，得獎實至名歸。
  • 張曦雯飛躍進步，得獎實至名歸。