現年25歲的加拿大樂壇天王Justin Bieber早前宣布今年全面復出樂壇，除了出新歌之外，亦會有紀錄片集於1月底推出。近日有傳他將會在紀錄片集中自爆患上罕有怪病萊姆病（Lyme disease）。消息傳出後，Justin隨即於社交網留言證實患病，令不少Fans大為擔憂！
Justin於Instagram轉載相關報道，並留言：「有好多人不斷話Justin Bieber個樣好X唔掂，似吸咗毒咁，但其實佢哋唔察覺到我最近確診萊姆病，唔單止係咁，我仲患有嚴重嘅慢性單核白血球增多症（chronic mono），影響咗我皮膚、腦功能以及整體健康。我會喺紀錄片集詳細解釋……你可以知道晒我一直喺度對抗並正在復原！呢幾年好艱辛，我正得到合適嘅治療，雖然呢個病未能根治，但我會以更好嘅姿態重來。」
萊姆病是由蜱蟲所咬引致的傳染病，初期病徵有皮膚出現紅斑、頭痛、發燒及疲倦，其後會出現神經、心臟與關節病變，暫時未知Justin怎樣感染到這種病。雖然對於本港來說，萊姆病屬罕見病症，但在美加等地十分普遍，美國疾病控制及預防中心估計全國每年有三十多萬人感染，2016年加拿大確診987宗萊姆病個案，首都渥太華屬高危地區。
除了Bieber外，多位外國名人紅星如加國天后Avril Lavigne都曾染上萊姆病，患病初期曾經有幾個月病到不能落床。而美國超模Bella Hadid、模特兒弟弟Anwar以及母親前模特兒Yolanda Foster都是萊姆病患者。Justin模特兒老婆Hailey Bieber亦有於社交網回應老公患病，並留言多謝好友Yolanda與女兒Bella及Gigi給予有關萊姆病的資訊，並解答她種種疑問。而Gigi亦有回應：「我們樂意咁做，祝願他最快速度康復。」