黃智雯珍惜機會「謀殺」袁偉豪?

由袁偉豪(Ben)、黃智雯(Mandy)、楊詩敏及錢嘉樂等主演的舞台劇《今晚打老虎》今日首演,因社會環境動盪,售票情況未如理想,該劇由原定10場減至6場。前晚大會安排探班,主辦單位大名娛樂的老闆林建名帶同生果籃到場為演員打氣。

首次返母校演出

對於減場,Mandy表示場數愈少愈珍惜,會集中火力做好這6場,她自言是演藝畢業生,但這是首度踏足演藝學院的舞台,感覺很夢幻。

而Ben在劇中有女裝扮相,他笑言不用「裝假狗」,反而要紮胸:「我唔想企喺Mandy隔籬變成好巨型嘅女人,你哋唔好咁膚淺,只係睇嗰度。」Mandy自嘲笨手笨腳,舞劍時差點謀殺「親夫」,Ben補充:「佢今日唔小心用道具刀整到我嘅橫膈膜,依家仲痛緊。」另外,錢嘉樂笑指綵排期間太太湯盈盈有監場,以防他被楊詩敏輕薄。