飲酒夜蒲劉晨芝雪卵失敗

劉晨芝到台灣準備雪卵，可惜未能如願。

近年不少女性主張遲婚，連帶生育年齡也為之順延，為了保留最健康的卵子，有人會選擇雪卵，劉晨芝考慮了一段時間後，亦有此行動，她說：「我一直都好想生小朋友，但依家年紀唔細，又冇男朋友，更唔會為生仔隨便搵個男友，所以都開始擔心，諗咗好耐決定去台灣做雪卵。」

早前劉晨芝到台灣見了醫生，卻未能如願，她說：「醫生幫我做晒檢查，報告出嚟，我見到想喊，醫生話今次唔可以即刻雪，因為知我平時夜瞓，又成日飲酒，對啲卵子唔好，唔適合做，跟住畀啲藥我食，要我返香港調理至少三個月先，要我注意飲食同埋要食啲有營養嘅食物。」

狂歡過後再調理

劉晨芝今次花了四萬多元，卻白忙一場，她說：「諗住去台灣做，預計要十萬，因為唔係去一次就得，都要做幾次。依家惟有等身體好啲，我諗住過完新年先開始調理，因為呢段時間好多派對，好難唔飲酒亦好難早瞓，不過我之後會乖啲，好好注意自己嘅健康。」

歲月不饒人，劉晨芝只好選擇現代科技來達成生B的夢想。

劉晨芝要乖乖着手調理身子啦。