鄭世豪嘆與陳煒無緣
「細龍生」鄭世豪講到新年將至，他笑言可以選購定賀年禮盒過節︰「三個節日輪住過，周年紀念日、聖誕、新年。（荷包負唔負荷到？）結婚後就唔多負荷到，咁慶祝周年紀念日好簡單，都係一齊食餐飯，冇話送禮，因為一年365日都會做！」
講到有份演出的處境劇《愛.回家之開心速遞》一星期播足7日，他指拍攝時間更難預計︰「返屋企嘅時間再少咗，試過連續兩個星期開工，搞到突然失聲。（大壓力？）咁又唔知，但有影響到拍攝。（陳煒客串有對手戲？）冇呀！劇組真係好保密，我都係佢拍完先知，上次歐陽震華客串都冇我嘅場口，次次都同特別場嘉賓無緣。」
