李昭南飲蜂蜜檸水美白

美國華埠小姐李昭南近日參與義賣，幫助動物庇護站的流浪貓狗，她「割愛」捐出心愛的美妝品，又大讚好用：「我仲請咗兩位好朋友陳俞希同李文意參與，同大家分享心頭好，又可以做善事。」她大方分享扮靚心得：「以前選美時，要用最快時間達到最好嘅狀態，所以我習慣整燕麥粥做早餐。另外，我每日都會飲蜂蜜檸檬水，做到全身天然美白，同埋依家愛上做Gym，會跟教練一對一操練，拍劇期間亦會一星期做4日。」