藝人郭少芸昨日到電台受訪，講到她染粉紅頭及穿粉紅褸，她笑言自己少女心，問到單身的她可會想搵番個少男？她笑言接受到與小鮮肉拍拖：「細十幾年唔係差好遠，不過我現實冇試過，講就無敵。」她透露現時忙於宣傳新劇《丫鬟大聯盟》，成班人合作很開心，只是拍古裝有點辛苦。講到黃心穎冇得宣傳，她說：「都掛住佢，有私下聯絡，但唔敢太騷擾。」並透露此劇之後會推出《大醬園》，自爆會播晒手上的存貨，並說：「通常公司係唔想簽你先會播晒啲劇。（合約幾時完？）就嚟完，但未傾續約，都鍾意返公司拍劇。」
