馬國明撐心穎：唔好誤會我哋有仇

與李施嬅同場現身的馬國明與張頴康，昨晚甫見面即又攬又翹手，相當老友。講到前女友黃心穎已返港，問到可有見面？馬國明說：「未有機會。（唔抗拒？）冇乜所謂，我都有send訊息畀佢，好似聖誕快樂咁，我哋仲係好朋友，唔好誤會我哋有仇。」他表示有睇心穎參演的《丫鬟大聯盟》：「咁我都有睇《黃金有罪》，兩個劇唔同風格都好啱。」說到因心穎偷食人夫許志安，有網民發起罷睇《丫》劇？他說：「唔需要，每個劇唔係一個人做，罷睇一個人就抹殺其他人嘅努力。」有指心穎回港是鋪路復出？他說：「唔知。（支持？）呢個你問番佢。」