吳浩康拒搵崔碧珈合作

吳浩康與師妹李靖筠昨日錄影ViuTV節目《Chill Club》,二人表示會合唱《他都不愛我》。剛甩拖的吳浩康坦言想搵另一半,但不得不隨緣。問李靖筠可會覺得師兄經常換畫好花心?她說:「黐線!我係邊個?有咩資格批評佢嘅私生活?佢有佢自由,絕對尊重佢嘅決定。」

提到餘下兩個音樂頒獎禮,問吳浩康可有信心攞獎?他坦言沒想太多,反而專注今年大計:「好快會派新歌,同埋想拍多啲片,例如Camping。(你之前搵舊愛鍾舒漫拍,今次會搵崔碧珈?)暫時未必,可能轉新主題玩Solo。」