朱晨麗（朱朱）因拍攝無綫劇集《多功能老婆》與楊千嬅成為好姊妹，早前先後到上海及蘇州為舉行巡唱的千嬅打氣，身為蘇州姑娘的她說：「咁啱係冬至，我帶埋父母去捧場，千嬅好似萬人迷咁，全場都好感性，佢不停流眼淚答謝粉絲，我覺得佢係個好值得學習嘅藝人。」此行僅逗留3天，朱朱乘機陪家人過節及大歎大閘蟹：「可能好耐冇食，控制唔到自己，結果食到頂住個胃，最後嘔埋出嚟！不過食到嘔依然好開心，事關大閘蟹係我童年嘅回憶。」
