洪卓立內地開工加強防疫

近日忙在上海拍攝「處男」古裝戲的洪卓立，前晚趕回港出席活動。提到武漢爆發不明肺炎，他指工作人員加強防疫：「佢哋會戴口罩、勤洗手，洗手間又多咗洗手液，有時仲會煲薑茶。過幾日我會再上去，當地得3至6度，會帶定好多暖包，起碼唔好畀自己病，又會帶消毒用品清潔酒店房，特別係浴缸，仲有搭飛機戴口罩。」問到戴頭套拍戲，怕不怕甩頭髮？他自摸「秀髮」後笑言：「啲人話唔甩嘅話，點戴都唔會甩，暫時冇呢個煩惱。」