何雁詩是父母的掌上明珠，鄭俊弘（Fred）承認求婚前也有問准何爸爸先。身家億億聲的何爸爸是生意人，視獨生女阿詩如珠如寶，當日她戀上有未婚妻的Fred，盛傳何爸爸並不喜歡他，但去年兩父女一齊受訪時，何父親口否認傳言：「知佢哋真係拍拖，我就擘大對眼睇吓，發覺呢個男仔都幾好，又唔多聲氣，仲好尊重老人家，我覺得佢幾孝順，呢個男仔相當好嘅。」他還與Fred打過高爾夫球，大讚對方脾氣好，而阿詩則笑指兩人都是「口水佬」，認識後不單勁投契，更覺得爹哋錫Fred多過錫自己。
其實阿詩公布婚訊前，Fred陪她慶祝「未來外父外母」的結婚30周年紀念，可見Fred已融入何家，兩老早已當他是女婿。