姊妹送祝福 譚嘉儀撲定「飛」觀禮

「雁鄭戀」修成正果並將於年底結婚，一班圈中好姊妹收到消息都戥何雁詩開心，當中蔡思貝坦言得知時開心到落淚：「超級無敵勁開心！祝願佢哋兩個一輩子幸福，相親相愛。」Super Girls成員Cheronna亦開心指是首批知情的朋友：「真係好開心，嗰種心情好興奮！朋友裏面逐個拉埋天窗，最近又參加咗唔同嘅婚禮，全部都覺得好感動。（你自己心唔心急？）我冇恨嫁，有就有、冇就冇，暫時我祝福人就得o架啦！」