叫王敏奕除罩 曾國祥：以為你有咗呀！
曾國祥與太太王敏奕（Venus）昨日現身醫院，素顏兼戴上口罩的Venus，被曾國祥打趣說：「你除低個口罩啦，唔係以為你有咗呀！」問到曾國祥是否母親身體不適，他說：「係呀，媽咪嚟檢查身體，因為身體最近有啲變化，所以要不斷嚟Check，冇乜大礙。」談到新年願望，他希望大家身體健康。問到可有計劃生小朋友？他說：「唔好搞呢啲嘢啦！（媽咪冇催？）媽咪好Free！」
另外，楊愛瑾（Miki）一家三口亦現身醫院，素顏的她甫見記者，一臉驚慌、以手掩面尷尬地說：「唔好啦，我今日好樣衰呀！」老公郭永淳則負責抱着兩歲多的兒子Luken上車。問到是否囝囝身體不適？他說：「冇事。」坐在兒童座椅上的Luken聽到即說：「我唔使睇醫生！」又望實鏡頭兼揮手，十分可愛。
