唔滿意魔鬼身材 蔚雨芯嫌籮大

「魔鬼胸女神」蔚雨芯去年與友人合資搞美容品牌，她親身試服的收陰丸大賣，三個月已有過百萬營業額，笑言已回本有錢賺：「我拍檔今日生日，呢份係最好嘅生日禮物。」今年會推出不同產品，擁有魔鬼身材的她自爆三圍數字：「我32、24、36，呢幾年磅數差唔多，保持住53公斤，因為做運動瑜伽，將脂肪變成肌肉，只肥喺大髀同臀部，條腰就冇變，以前我覺得自己屁股特別大好難睇，但朋友話我呢啲係歐美型。」她又自嘲上鏡衰樣，笑說：「我顴骨好高，個膊又橫，好似好大隻，一上鏡好似好脹，我唔想畀人覺得肥，寧願唔要咁多肉。」