吳家樂夫婦搶平價貨

吳家樂拖住老婆行深水埗尋寶。

47歲吳家樂與其士集團太子女周蕙蕙結婚13年，育有一女兩子，自從做了豪門女婿後，他亦變得相當低調，閒時主力做湊仔公，至於太太比他更深閨，相夫教子之餘，其父在生時，她花很多時間照顧父親起居飲食及協助處理其私人事務。

節目停播留言自嘲

近期因家樂主持的無綫節目《今日VIP》停播，他在微博自嘲「腳頭唔好」，再次被人「起底」身家豐厚。原來兩公婆平日為慳到盡，經常孖公仔出動掃平貨，貼地到連車也不用，乘搭公共交通工具代步，日前他又與太太趁聖誕大減價，由港島區寓所坐港鐵過海往深水埗，一出站即急不及待行到附近一個專賣平貨的商場，家樂起勢逼入人堆，而太太則緊隨其後，只為搶十數元有交易的手機架與電話貼，又去睇電單車頭盔，但在店內逗留數分鐘便離開。

兩公婆買生果買到一袋二袋，似乎意猶未盡。	吳家樂與太太周蕙蕙起勢揀手機產品。	有私家車都唔用，貼地坐港鐵。

• 吳家樂主持多年的節目停播，當然不捨。

一杯汽水兩份飲

行到肚餓他們亦只到快餐店醫肚，更一杯汽水兩份飲，家樂全程拖實老婆，非常恩愛。其後兩公婆轉去行街市，發現一份份特平香蕉，忍不住大手入貨，即使被街坊認出眼望望，家樂一樣自得其樂，似乎十分享受慳家樂趣。