馮盈盈不時語出驚人，在節目《#後生仔傾吓偈》中除了經常將男友掛在嘴邊，公開肉麻互動晒恩愛，更大談性話題，被網民封為「性博士」。
直言不介意男友睇AV，又自認似AV女優桃谷繪里香。講到伴侶性慾較強時該如何解決，她即大談「食飯論」，指若對方食完不夠飽，會讓他自行解決。
自爆與男友之間的怪癖：「同男友最親密嘅活動係擠粉刺，佢真係好污糟，好多寶藏可以亂擠……」又謂親密舉動已升級到直接用手「掹鼻毛」，又自爆有聞男友腋下的癖好。
講到裸睡習慣時，她自爆在房會除去內衣褲，更鼓勵大家解放乳頭。當被問到在男友前是否一樣不着？她說：「唔着入面嗰啲，有時落街買嘢咪着件厚啲嘅衫囉！」
自爆熱戀期跟男友「做運動」會準備大量「道具」或角色扮演，甚至「睇小說參考，瑜伽招數都會使出」，又指熱戀期時她仍是學生，精力充沛，即使男友隔天早上要返工也要求「運動」。
討論「拍拖應否有性生活」話題時，盈盈即「性博士」上身，激動地說：「性喺愛情中係好重要一部分，如果完全唔去掂佢、唔了解，去到婚後有性生活，萬一唔夾咁點呀？離婚呀？」