藝人莊思明即將考電單車牌，雖然會否合格仍是未知之數，但男友楊明相當貼心，急不及待送上頭盔給她作聖誕禮物，預祝她考牌成功。莊思明在社交網上載禮物相片，並開心留言：「Boxing Day拆禮物，今年楊生送咗一份好特別嘅禮物畀我，就係呢個頭盔，事關我2020年4月就要考電單車路試，所以為安全起見，佢揀咗一個隔幾條街都會睇得到嘅顏色，如果大家喺街上見到呢個頭盔而車上掛住咗個學牌，請大家記得讓吓我啦。」