冇呃過崔碧珈 吳浩康：肯定！
吳浩康（Deep）昨日在新城勁爆頒獎禮連奪「勁爆我撐歌手」及「勁爆我撐歌曲」兩獎。談及日前下午做訪問仍甜蜜講當時女友崔碧珈，但同晚女方就宣布分手，惹人疑他講大話，他澄清：「係當晚溝通突然發生問題。（分手原因？）性格不合，同其他嘢冇關。」
至於崔碧珈曾表示不滿講大話，Deep說：「我冇嘢欺騙佢，肯定！佢話我指分開係因為工作時間分配唔到係對公眾講大話。（同佢再解釋？）冇需要，冇對佢講大話，覺得兩個人嘅問題唔需要揭開肚皮，呢啲係唔成熟方式，想保護番大家。」他覺得彼此間的鴻溝是日積月累：「價值觀、習慣嘅問題，覺得好可惜，祝福佢。（仲係朋友？）我絕對當佢係朋友。」