杜德偉晒幸福

歌手杜德偉（Alex）前晚平安夜於北京工人體育館舉行巡唱首站，哥哥杜德智、好友林珊珊與上山詩鈉等捧場，5,000座位爆滿。之前他擔心北京天氣太凍，驚3歲囝囝AJ冷親，但最後改變主意：「平安夜要同屋企人、愛嘅人一齊過，今晚能同歌迷一齊過，佢哋都似我家人，好多謝愛我嘅歌迷愛埋我屋企人，太太同囝囝收嘅禮物仲多過我！」AJ得知可與爸爸過聖誕即施冧功，化身小聖誕老人唱聖誕歌，並向爸爸說：「加油，Good Show！」甜到爆的Alex即親吻回報。