林奕匡日日絞肚痛偏僻冇廁所

歌手林奕匡（Phil）日前完成「埃塞俄比亞10公里路跑」及慈善探訪返港，由於賽事場地是高海拔地區，故他曾出現高山反應：「喺嗰度我落床都覺得辛苦，因為跑嗰時有挑戰自己嘅心態，結果跑完第2日就發燒！加上受防高山症藥物影響，日日都肚痛，去較偏僻嘅地方又冇廁所，搞到我唔敢食早餐，成個行程只有7日，但我足足瘦咗8磅！」
林奕匡用身體語言同當地小朋友溝通，絕無隔閡。
林奕匡用身體語言同當地小朋友溝通，絕無隔閡。

行斜路喘氣

問到賽果如何？Phil笑說：「雖然之前瘋狂練咗4個月，里數係之前4年來嘅總和，但跑步成績真係麻麻，用咗80幾分鐘。原因係我冇預早去起步點，同埋喺嗰度行斜路都喘氣，空氣好稀薄，好多參賽者都行，唔係跑。」他表示太太李靄璣本想同行，但他怕太辛苦，所以叫太太乖乖留港等他。

旁觀救盲手術

除了跑步外，他亦隨義工旁觀救盲手術，問到是否怕血？他直言：「曾經諗過做醫生，但7、8歲發覺見血就驚到腳軟，知道無望，但係我想用歌手身份呼籲更多人做慈善，都算幫到人。」他指當地醫療設備簡單，只靠自然光照明，連燈也不開，但醫護人員技術好，僅用20多分鐘就完成手術。問到與當地小朋友如何溝通？他表示用身體語言，覺得當地人生活簡單，活得快樂。

Phil在高海拔地區跑10K，挑戰自我。
  • Phil在高海拔地區跑10K，挑戰自我。
老婆未有同行，Phil返港後急急慰妻。
  • 老婆未有同行，Phil返港後急急慰妻。