聖誕date陳瀅？ 家樂約咗第二個……
陳家樂、李靖筠因合作賀歲電影《我的筍盤男友》成為好友，趁聖誕佳節，兩人日前大玩「鬥富貴」遊戲，一分鐘內在一盤鑽飾中揀選最貴的一件，結果李靖筠9秒9揀中，大勝陳家樂！贏遊戲當然有獎，她獲得佩戴價值600萬「鴿子蛋」黃鑽頸鏈影相作「禮物」！
問家樂聖誕會否約緋聞女友陳瀅去街？原本話題多多的他聽到「陳瀅」兩字，即時「Dead Air」，望住小師妹「求救」，李靖筠笑說：「你望住我做咩？我又唔係陳瀅！」但亦有幫師兄解圍，說聖誕節家樂約了她，忙為新片做宣傳。
核突禮物抽獎
家樂笑言近年去派對興起玩「雞肋遊戲」，就是將家中不要的東西拿出來抽獎，笑言收過一個非常核突的卡通手機殼，李靖筠則說送過香味眼罩作抽獎，自己都非常嫌棄！問兩人有何新年願望？李靖筠說：「2019係我嘅幸福年，未來唔敢貪心，希望每次工作都有顆期待的心。」家樂希望工作量愈來愈多，有更好成績。
首飾及場地：英皇鐘錶珠寶中環旗艦店