郭晉安譚俊彥嘆不復當年勇

李嘉兇神惡煞追斬譚俊彥，搞到佢出埋鉸剪腳頑抗。

郭晉安及譚俊彥（Shaun）昨日到元朗大棠拍攝劇集《失憶24小時》，講述兩人被李嘉追斬，身形健碩的李嘉持刀揮舞，安仔及Shaun一仆一碌逃走。

剃鬚等女錫

安仔表示劇集即將煞科，每次拆場景都感到不捨：「由開始大家好生外冇乜嘢講，到愈來愈有默契。」Shaun亦說：「有啲幕後朋友做埋呢個星期就走，更加唔捨得！」聖誕及除夕他倆都要開工，不過另一半不會見怪，安仔笑說：「佢哋好專業o架喇！知我冇時間陪佢，會自己搵節目，我就希望快啲拍完剃鬚，依家個女唔肯錫我呀！」Shaun笑言雖然子女年紀尚小，但已習慣他每逢節日都要開工：「個女出世我都冇乜點陪！屋企人好體諒，但冬至我有煮咗餐飯，個女好開心話有得一齊食飯。」

郭晉安、譚俊彥走到氣咳。

其實大家好Friend嘅。

大家安全收工

講到拍追斬戲，兩人表示體力消耗甚大，自嘲身手不復當年，安仔說：「要真跌真撻，始終膝頭有舊患，好在有替身。」而Shaun直言仔細老婆嫩，開始要錫身：「我冇做特技人好耐喇！」至於李嘉今次並非演武林高手，要打得毫無章法也有難度，對於被安仔及Shaun讚溫柔，會控制力度不會打傷他們，李嘉說：「最緊要大家安全收工！」