于淼驚被人打 搵監製做擋箭牌

黃浩然、陳寶華與于淼讚王梓軒演出精彩。

演唱會開Part 2

梓軒得知三人是座上客，即問全場觀眾可有睇《多》劇，全場大叫「有」，他抵死說：「我明白寶華姐要坐喺中間，因為『顏成功』同浩然坐埋一齊，可能被人打，哈哈！」並感謝陳寶華的劇本出色，又有機會跟前輩梁舜燕合作。至於林奕匡、龔慈恩母女及林盛斌等亦有捧場。

• 王梓軒坦言只開兩場個唱唔夠喉。

梓軒在台上感觸表示，一連兩場個唱籌備逾半年：「想令大家開心，正正就係我哋演唱會最重要嘅其中一個主題。」慶功宴上，他宣布個唱將開Part 2：「今次未玩完，頭先屈咗啲投資者，佢哋應承『落疊』，我哋下一站見。」

他表示開兩場只算熱身，有點意猶未盡，不過明白現今市道開騷不容易：「全香港嘅朋友都面對緊一個好困難嘅時間，但大家選擇交託時間、快樂同精神畀我哋。」最有滿足感是每位離場的觀眾帶着喜悅、正能量及希望，梓軒覺得總算暫時完成任務，期間更多謝緋聞女友、薛家燕囡囡石祐珊。