張可頤出山唱歌捧新女
張可頤近日升呢老闆，與拍檔開辦製作及經理人公司，頭炮簽下18歲華裔女歌手陳涵林。首次投資學做生意的可頤謙稱只是打雜：「傳承好重要，能力做到都想發掘新人，畀機會佢哋。」笑言開拓新領域令她有存在感：「唔同階段想有新嘗試，幕後策劃比較少接觸，依家邊做邊學，係人生新挑戰。」
可頤對涵林讚不絕口，最欣賞她年紀輕輕好勤力：「佢好專注做自己鍾意嘅嘢，對唱歌好堅持、好有天分。（教佢娛樂圈生存之道？）唔敢講，我生存到依家都係奇迹，佢本身好乖。」為支持新一輩，曾是歌手的她「出山」再入錄音室，與涵林推出合唱歌：「無心插柳之下決定，聽完佢首歌好鍾意，自己想試，鍾意就去做。」而涵林表示自小喜歡模仿Lady GaGa唱歌，現正努力學習廣東話，望出廣東歌。
場地：富豪九龍酒店