譚嘉儀2019大豐收目標金曲金
歌手譚嘉儀昨日推出新碟及限量版黑膠唱片，於唱片舖客串做店長，獲老闆何哲圖、好友何雁詩與男友鄭俊弘、甄詠珊等到場支持。嘉儀表示同日推出兩碟，感覺似兩個BB出世。提到新碟歌曲《願留住你》與馬國明合唱，她說：「好多Fans都讚我哋Sweet，MV又接吻又床戲，拍嗰陣非常緊張同尷尬。」今年有不少Hit歌的她，被問可有信心在頒獎禮奪大獎？她坦言：「絕對唔敢諗，今年成績已經非常心滿意足，如果攞埋獎係Bonus。（恨攞金曲金獎或者女歌手獎？）呢個係未來目標，但唔會為攞獎而做音樂。」
何雁詩自資出歌
同場的何雁詩剛離開星夢，笑言比之前忙碌，並透露決定自資出歌：「好多嘢已經起步緊，暫時用咗5位數，6位數應該走唔甩。（全部自掏腰包？）係，所以真係好窮。」身旁的鄭俊弘即笑言不會資助：「我都要儲吓錢。」何雁詩笑言：「佢唔資助我唔緊要，佢資助我生活就得，其他全部嘢佢畀錢。」並自爆幫男友做義工：「我仲要做義工幫佢做engineer錄音、剪片，佢真係精呀！」
另外，嘉儀前晚錄影節目時，笑言繼續過Lonely Christmas：「聖誕都係陪屋企人，因為冇另一半，年年都咁Lonely。」提到同門的林穎彤暗示老闆不准拍拖，她笑言：「唔會，佢咁開通。（驚你閃婚生仔？）我一定會一步一步嚟，唔會閃婚。」
