Heidi搞相展做生招牌

組合Super Girls成員Heidi前日為宣傳自家服裝品牌而舉行相展，獲隊友Aka、好友麥子樂、彭彤（Miko）及劉志偉等撐場。對於品牌推出第二年已獲不少支持，Heidi開心地說︰「成績唔錯，所以今年特別搞相展畀大家睇！特別製作咗一本小冊子送畀現場朋友，有品牌靈感同埋靚相，畀大家做個留念。」又指今次挑選了10多張相，大晒東方女性美：「今次以花為主題，穿着我嘅品牌服裝嚟影，攝影師想以較為中式復古嘅手法去表達整個系列，影咗一輯東方女性美嘅相片。」今年一口氣推出個人新歌及舉行相展為品牌造勢，Heidi希望每年都有不同：「都希望搞到時裝騷，但應該冇咁快成事，因為暫時未得閒去處理。」