荷里活巨星茱莉亞羅拔絲最近上名嘴艾倫迪珍妮絲嘅節目，問大口茱最想同畢彼特、湯漢斯定係佐治古尼一齊流落荒島？佢諗都唔諗就揀湯漢斯，因為對方拍過流落荒島嘅電影《劫後重生》。至於畢佬，佢話對方只會陪伴同保持樂觀，作用唔大。當講到佐治，大口茱笑住話：「你只會唔停咁笑，同埋被嚴重曬傷，之後笑死。」寸佐治幽默感冇用，佢講完自己都忍唔住笑到喊！