紅館騷加場AGA挑戰「赤裸」
入行6年的唱作才女AGA將於明年4月3日舉行處女紅館個唱《AGA ROUND MIDNIGHT LIVE 2020》，首場優先訂票火速售罄，昨日唱片公司宣布加開4月4日一場。為配合個唱夢想的主題，拍了不同造型的海報，挑戰入行以來最赤裸的大膽造型，AGA穿上款式如貼身泳衣的上衣，抱膝露長腿坐在水邊，大晒線條美。
操體能練S身形
她直認試身時好驚，要清場拍攝，下身更要圍毛巾：「好在係女攝影師，加上覺得好靚，就豁出去。（點解唔騷正面相？）我冇諗呢樣，個造型代表Sad Dream，想構圖、用色、化妝同髮型呈現冰冷感覺，可能美指覺得我側面個比例同感覺一致啲。」為拍出最好效果，之前重點加操S身形，每日做Gym兩小時：「我喺個騷度會跳好多舞，更加要操好啲體能。」
對於演唱會加場，AGA十分感恩及開心，多謝歌迷的支持：「其實喺優先訂票前，緊張到失眠，甚至有想嘔嘅感覺，我對呢個騷好大期望，想將自己嘅音樂同挑戰喺個騷度呈現畀大家睇。」