陳煒霸氣「回家」
無綫處境劇《愛．回家之開心速遞》演員劉丹、呂慧儀、湯盈盈、滕麗名及張景淳等，昨日在電視城食盆菜預祝冬至和聖誕，並宣布陳煒客串明年1月1至2日兩集。陳煒直言很開心加入這個大家庭：「第一次拍處境劇，有機會都想拍多幾集。（角色係點？）同接龍集團有關，雖然得兩集，但造型百變，有霸氣又有委屈。」
至於「細龍太」陳偉琪最近被拍到跟方紹聰（奶仔）放狗而傳緋聞，她稱兩人只是朋友，提到奶仔似乎相當冧，她得戚說：「阻止唔到人嘅！（佢係咪追你？）算有，間唔中打電話畀我，又約我食飯。（落閘？）咁咩都由朋友開始，一日未結婚，個個都有機會嘅。」緋聞男女呂慧儀和張景淳指聖誕要開工，而劉丹指每日回家見到孫女「小糯米」，就像收到聖誕禮物，而孫女不時攬住爸爸劉愷威，似足樹熊。問到楊冪有否返港探女及她與魏大勛的緋聞，劉丹都不想回答。
