歌手李靖筠昨日到電台受訪，提到奪得新城「勁爆新人獎」，是她第一個歌手獎，笑自己後知後覺，返家後才勁開心：「個獎依家擺喺電視上面，想擺走廊，我見雷頌德成條走廊擺滿獎好正，我都想試吓。」至於可有與至親好友分享攞獎喜悅？她說：「屋企隻簷蛇都知道，屋企人知我由細到大都鍾意唱歌，所以仲開心過我，但未有時間慶祝。（有冇同男友分享？）佢知，但佢話嗰日點解我唱到咁，許廷鏗就唱得好好，佢對我好苛刻，咁係好事，提醒自己唔可以掉以輕心。」
