黃浩然焗住變賤人開心畀人打

黃浩然昨日到電台接受薛家燕的訪問，宣傳《多》劇，家燕笑說：「佢個角色好突出，所以請佢上嚟，因為我都遇過呢種衰男人！」劇中飾演壞男人的浩然笑言網友叫他不要回來：「話我係賤人，叫我走，又話要打我！我同楊千嬅講，點解次次同佢拍戲都畀人打，不過今次都預咗，即係代表成功咗！」他指這是首次飾演衰人：「今次呢個角色係有戲演，觀眾又睇得肉緊。」問到太太可有睇其演出？他笑說：「佢晚晚追啦！有集仲問我點解會變成咁，監製陳寶華有問我太太有冇嘢，我話冇，大家都講笑啫！」又笑指太太對其演技很嚴格：「佢話『呢個唔似你囉』，佢口中冇讚美說話，只會曲線讚我。」