荷里活影壇大亨Harvey Weinstein前年被80多位女性連串指控性侵，之後一直甚少受訪，惟上周罕有接受《紐約郵報》（New York Post）訪問為自己平反。67歲的他上周出庭後接受脊椎手術，減輕8月時因車禍造成的背痛，周五在紐約一間醫院受訪。
他直言：「我比任何一位製片人拍攝更多由女性執導嘅電影同講女性嘅電影，而我講緊係30年前，唔係講依家。我做先嘅！我係先鋒！因為發生咗啲事，呢一切都被剔除，我嘅功勞已被遺忘。」又舉例指女星桂莉芙白德露（Gwyneth Paltrow）於2003年收1,000萬美元（約7,800萬港元）拍攝他製作的電影《頭等俏佳人》（View from the Top），當時在獨立電影之中成為最高片酬女星，身價高過所有男星。