何遠東碌落山肚腩頂住！
無綫新劇《失憶24小時》演員郭晉安、何遠東及江欣燕昨日到大帽山拍攝外景，劇情講到何遠東碌落山坡，安仔與江欣燕拚命扯着他營救。首次拍攝吊威吔戲的東東噸位十足，除了要扣上兩條威吔兼出動多位武指拉着以策萬全，經驗豐富的安仔亦在旁不時指點東東，更幫手拉威吔，他笑說：「佢第一次吊嘛，你知佢身材幾咁完美(口架)啦！」
講到太太歐倩怡昨日生日，安仔透露前晚已食飯慶祝：「呢排佢成日運動想個人纖瘦啲、健康啲，又打泰拳、又跑步、做瑜伽，所以送咗個水力按摩浴缸畀佢做生日禮物，當然我都可以用啦！哈哈！」
處男吊威吔磨穿褲
而東東攀在山邊大半小時拍攝跌落山的掙扎場面，連褲也磨穿，但他醒目地善用大肚腩挨着山邊借力抖抖，拍攝尚算輕鬆。相反「營救」他的安仔與江欣燕出盡全力拉着他，拍攝後高呼攰到爆。雖然東東身形龐大，但身手尚算靈活，武指笑稱他可以做洪金寶接班人，他即笑說：「自己第一次吊，好興奮，拍嗰陣唔識驚，但諗番轉頭真係驚，你知我幾重！我一定冇洪金寶大哥咁叻，以前讀演藝有上過武術堂，真係學以致用。」
