古天祥一索得男驚見成地血
剛加盟邵氏並主演新劇《大步走》的藝人古天祥，今年9月與圈外女友周琬瑜結婚，上周六（14日）更榮升爸爸，一索得男，三個月內雙喜臨門！古天祥表示兒子重7.1磅，名字為Ricardo Koo：「呢個係一個西班牙文，係有西班牙血統嘅專利，至於中文名仲諗緊。」
古天祥表示BB出世後，太太一度出現身體不適，令他極為擔心，幸好最後平安無事：「我入咗手術室陪太太生產，BB一出世，我哋都喺度喊，醫生好忙冇安排我剪臍帶。但當醫護人員要求我離開手術室時，我見到太太好似暈暈哋、成身震晒，地下仲好多血。我喺手術室外邊等咗大概45分鐘，好擔心，佢平安出嚟我先至放心。」
