玩機動遊戲Jessica似有咗
女子組合Super Girls的3位成員Jessica、Yanny和Cheronna昨日到主題公園試玩新機動遊戲，但怕離心力的Yanny只坐在機動遊戲上影相，她看兩隊友玩時更看到嗌驚。
試玩後，剛做人妻的Jessica笑說：「接呢個工作前有諗過自己會唔會『有咗』，但當然係冇，玩完就有『有咗』嘅感覺，因為好想嘔。」她表示近期和老公分工合作搬屋，發覺做家務是件苦差：「洗碗、執屋、煮飯，我有一刻擔心自己會變黃面婆，所以好期待復工。（會否請工人姐姐？）我哋希望二人世界先。」而剛甩拖的Cheronna表示暫時不恨拍拖。