陳家樂Cool爆情挑李靖筠
陳家樂於明年賀歲檔有兩部作品上映，除了重本大製作外，還有一部與李靖筠合演的浪漫愛情喜劇，化身霸道筍盤的他，笑言要演繹又Cool又乞人憎甚有挑戰，更大讚李靖筠聰明又有天分。
英皇電影明年賀歲檔將雙龍出海，分別有林超賢執導的特技大製作《緊急救援》，以及陳家樂、李靖筠（Gladys）孭飛的愛情浪漫喜劇《我的筍盤男友》，兩片均於大年初一齊齊開畫，有幸參與兩片的家樂直言深受鼓舞，不諱言現今市道有兩片於春節檔上畫，如打了一支超勁強心針！
讀戲劇班吸收養分
對於被睇好有力上位，他謙虛地說：「好多前輩不斷努力先成為國際巨星，我又唔係紅褲仔出身接受過正統訓練，希望能夠參與更多製作，多啲磨練演技，冇實戰經驗好難進步，新一代演員最欠缺就係機會！」他更報讀戲劇訓練班盡量吸收養分，望演技更上一層樓！
談到《我》片中化身霸道筍盤男，家樂自言平時多演陽光男孩，今次角色性格有點Cool、乞人憎，卻又要令人喜歡，絕對是個大挑戰。
讚聰明有感覺
至於首次與Gladys合作，他大讚對方聰明及有天分：「佢對身邊一切都好有感覺，好容易被觸動情緒，對新演員嚟講，能善於將個人情緒表達出嚟，已經有先天性優勢，我好欣賞！」至於同樣賀歲的《緊》片，是他繼《破風》後再與林導及彭于晏合作，感激導演再次給予機會，並飛到墨西哥拍攝幾個月外景，親身感受荷里活水平大製作，可謂大開眼界。