衝出香港開騷 譚嘉儀Cosplay扮公主
藝人林穎彤與譚嘉儀昨日到電台拉票，剛從美國開完騷返港的譚嘉儀直言此行感覺新鮮及震撼：「我都係第一次衝出香港，同埋第一次舉行演唱會！場館比想像中大，又有Live Band，台下歌迷好熱情，我就同佢哋唱吓歌、傾吓偈咁。」演出後還把握機會，飛往賭城遊覽：「咁難得去到嗰度，Cosplay扮我好鍾意嘅公主，企喺度同途人交流及合照，打算放短片上網分享。」
林穎彤則透露加入無綫10年，近日獲「老人牌」：「我未親身攞，唔想咁快到手！我要好好享受埋呢兩個禮拜，事關新一年後再唔係樂壇新人喇！」談到夥拍同公司的歌手伍富橋拍攝合唱歌MV，經常「出雙入對」，其中舞步更有親密身體接觸，會否怕對方女友呷醋，她說：「唔會！（你男友呢？）依家努力工作。（笑到咁，公司唔畀你哋講拍拖？）係！」
