藝人梁競徽之前經常在內地登台演唱，明年2月初將轉戰雲頂，在可以容納6,000人的馬來西亞雲頂星劇場開騷。今次是他入行20年來首次舉行個人音樂會，他坦言：「人生中嘅第一次，真係唔係好多人有機會。」他預計會唱10多首歌：「真係從來未試過，所以做緊好多前期工作，好想做好佢，留番一個美好回憶。（唔少紅歌星都喺呢個場地開騷？）係呀！所以覺得自己好幸運，會畀心機做好！」
