甄子丹最後一部功夫片《葉問4 完結篇》前晚舉行慈善首映,這位「宇宙最強」笑言兒子嫌他「好渣」,家中最打得的竟然是老婆大人汪詩詩!
由甄子丹主演的《葉問4 完結篇》前晚舉行首映,出品人黃百鳴、導演葉偉信、林家棟、張晉、吳建豪及黃又南等亦有亮相,當中子丹獲太太汪詩詩帶同子女及外父外母等前來撐場。他透露兒子昨日12歲生日,《葉問》系列同樣經歷了12年,相當有緣。
子丹表示兒子已睇完前三集,卻有點嫌棄:「佢覺得我渣,媽咪先勁!(有冇感染個仔鍾意功夫?)佢識混合格鬥。(有興趣?)小朋友好多嘢有興趣,唔會逼佢學,佢已經係跆拳道黑帶。」問到可會栽培兒子做接班人?他指乖仔年紀還小,沒想太多:「大家知呢行都係表面光輝,拍攝打戲受好多傷,呢樣嘢係動作演員嘅代價。」問到以後是否真的不再拍打戲?他笑說:「打,唔係點搵食?我係話同功夫片Say Goodbye啫!」
同場的張晉左手中指包紗布,他透露日前學習操控穿越飛行機,不慎被機身的螺旋槳打到手指,問到可有被太太蔡少芬怪責?他說:「唔係溝女,唔會鬧!(個仔啱啱滿月,擺百日宴?)到時先算,幾日前第一次帶埋個仔出街,好似打仗咁,已經幾年未試過!」