龐景峰瞞住阿媽開學校

藝人龐景峰昨日聲沙沙出席慈善單車賽，透露近兩個月籌備演藝學校，明年初正式開業：「同兩個Partner一齊開，我教啲5歲大嘅小朋友武術、空翻，班媽媽就睇到驚。（有耐性教？）OK，可能由細到大屋企都多女人。」又指不敢告知媽媽郭秀雲，但上個月「穿煲」：「見到我好似好攰，又成日夜返，佢問我揼咗幾多錢。」同場的「跳水皇后」郭晶晶未有帶仔女同來，談及老公讓仔女洗車賺零用錢，從而學識珍惜，她說：「大仔夠年長可以參與好多嘢，都有畀零用錢，妹妹就有糖。」聖誕節將舉家外遊。