余香凝聖誕相睇趕30歲前結婚

藝人余香凝（Jennifer）昨日到沙田出席聖誕活動，與Fans玩遊戲兼唱歌。講到聖誕節目，她表示很開心有伴侶的朋友預她一齊玩，又指有朋友講明會介紹男仔給她：「隨緣啦！依家都好忙，冇乜時間拍拖。」提到現場有小朋友表演跳舞，Jennifer直言小時候做過班代表領舞及致詞，看見小朋友即勾起母愛，希望盡快生BB：「一路想30歲之前生BB，身邊好多朋友已經結婚或訂婚，我未知做唔做到，又或者到時收養個小朋友都得。」又指每年聖誕都會跟朋友交換禮物，踢爆男星吳肇軒曾送出爛耳筒整蠱人。