兒子被人打吳鎮宇教學識護面

由陳慧珊監製及主持的香港開電視節目《放學後》，最新一集邀得吳鎮宇任嘉賓，暢談成長經歷及育兒心得。鎮宇透露兒時生活拮据，媽媽邊工作賺錢邊養育他，這種堅毅不屈的精神，正是他教兒子Feynman的重要一課：「有日發現阿仔面上有瘀青，我仲有啲開心問佢『同人打架？定係畀人打？』，我覺得咁就啱喇，因為每個人都會經歷嘅，譬如跌倒！原來佢喺學校畀另一個同學騷擾，還擊時嗰個同學一拳打咗佢塊面度，我就同阿仔講：『咁你以後知道，再發生同樣事件，就要保護自己塊面喇！』太太就話佢應該逃走，但我認為無論點都要處理！」