陳明憙獻初吻感覺奇怪
創作歌手陳明憙昨日到電台宣傳新歌《遊樂》，問到其著名音樂人爸爸陳少琪可有聽過？她怕醜說：「有，但冇乜畀評語，因為佢冇份參與。」她很感激新公司全力支持：「好似加入咗大家庭，份約係簽晒中、港、台，遲啲或者去中、台發展。」並預告下周推出新碟，收錄了7首歌：「其中4首係新歌，之後會配合一套主演嘅微電影，再出廣東歌。」
陳明憙自爆於片中獻出螢幕初吻，問到有何感覺？她笑言：「冇緊張，但感覺好奇怪，因為男主角向我求婚，發現自己唔係咁易畀人打動。（爸爸睇完有咩講？）冇，我都27歲，由細到大都有同佢講感情事，講到佢覺得我好煩，所以佢冇再理我呢方面嘅嘢。」