郭富城 「顛覆」難抽離 以為殺咗人！

天王郭富城昨日出席「『不正常』角色的演、練、變」座談會，他透露主要分享如何演繹「顛覆」角色：「最難忘係拍《殺人犯》，我會發夢自己殺咗人，瞓醒時好驚問自己係咪殺咗人，到清醒後先知發夢，會鬆一口氣。不過我會調節，靠做運動同賽車。（囡囡叫聲爸爸就返嚟？）囡囡一叫爸爸就冧晒。但演繹顛覆角色係要投入同忘我，如果經常拍歇斯底里同殺人犯角色就死得。」